Komeleya Perwerde û Kulturî ya Nûbiharî (Nûbihar Komele) ke merkezê ci Dîyarbekir de yo menga Nîsane de do merkezê Komele û şaxanê xo de kursê rî bi rî yê Kurdkî (Kurmanckî û Zazakî) bidayêne labelê rîyê şûbeyê Covid-19î ra înternetî ser ra dest bi dayîşê nê kursan kerd.
Xeylî kesî tewrê kursanê ke bi hawayêkê online, bi dîyalektanê Kurmanckî û Zazakî yê Kurdkî ameyî dayene bîyî. Kîşta kursanê Kurdkî de seba ê kesanê ke waştêne Fariskî bimûsê yewna kursî de dersî ameyî dayene. Hem zereyê welatî ra û hem zî teber ra welatanê cîya-cîyayan ra nizdê 300 kesî beşdarê nê kursan bîyî. Kursê ma yê ke hewna bi hawayêkê serkewteyî dewam kenê do hewteyo peyên ê Hezîrane de biqedîyê. Netîceya azmûnanê onlineyan de do beşdaranê kursan rê sertîfîkayî bêrê dayene.
Seba ke kursanê Kurdkîyan ê ke menga Nîsane de dest pêkerdîbî eleqedarîyêka pîle estbîye kontejan bi 300 kesan ameyo sînorkerdene. Pîya bi kesanê ke teberê kontejanî de mende do talebêko newe bêro viraştene û demê vernîya ma de muracatê neweyî bêrê girewtene. Seba muracatan şima eşkenê medayaya cimatkîye û pêhesnayîşanê ke sîteya ma de yê taqîb bikerê.
Ma vernî de Mamostayê ma yê kursî Prof. Dr. Tahîrxan AYDIN, End. Ban. Dr. Osman ASLANOGLU, Ahmet KANÎ, Esat ŞANLI û xebatkaranê ma yê komeleyî rê seba nê xebetanê xo yê erjayeyî keyeawan vanê, sipas kenê.
Komeleya Perwerde û Kulturî ya Nûbiharî
Dîyarbekir /Merkez