Bi serperiştîya serokê Zanîngeha Silêmanîyê Birêz Prof. Dr. Kosar Mihemed Elî Murad Bi serokatîya dekanê Fakulteya Zanistên Îslamî ya Zanîngeha Silêmanîyê Birêz Doç. Dr. Xalid Ehmed Mistefa û Serokê Beşa Ziman û Edebîyata Kurdî ya Zanîngeha Dîcleyê Birêz Doç. Dr. Zülküf Ergün Fakulteya Zanistên Îslamî bi hevbeşîya Komeleya Nûbiharê – Dîyarbekir – Turkîye konferensa heftem a zanistî ya navneteweyî di bin vî navî da li dar dixe.
DEMÊN GIRING ÊN KONFERANSÊ
- Dema dawî ji bo şandina kurteyan di gel jîyannameya kesî: 15. 11. 2026
- Dema ragihandina kurteyên wergirtî: 1. 12. 2026
- Dema dawî ji bo şandina vekolînê: 15. 2. 2027
- Dema pêkanîna konferansê: 18-19. 4. 2027
Pergala Mirov Û Gerdûnê Di Hizira Bedîuzeman Seîd Nûrsî Da
Di bin diruşma: Rehendên Şaristanîyê ji bo Damezirandina Aştîya Civakî û Bicihkirina Nasnameya Çandî
Bi piştevanîya Xwedê dê li Zanîngeha Silêmanîyê di dema 18-19/4/2027 da bê lidarxistin.
PÊŞEKÎYA KONFERANSÊ
Pesn û sipas ji bo Xwedayê perwerdekarê cîhanê, dirud û silav li ser gîyanê pak ê Pêxemberê me yê serwer Mihemedî û li ser malbat û hevalên wî bin.
Cîhana me ya îro di nav guherînên bilez ên hizirî, çandî û civakî ra derbaz dibe ku hin meydanxwazîyên kûr rûbirûyê wê bûne û karîgerîya wan li ser pergala nirxên mirovî çê dibe û şax davêje ser seqamgîrîya civakî û nasnameyên wan ên resen.
Ji vî alîyî ve ji bo rûbirûbûna meydanxwazîyan pêwîstîyeke lezgîn derdikeve holê, bi sûdwergirtina wan nêrînên şaristanî ku komkerên resenî û nûxwazîyê ne û avakerê çanda aştî û pêkve jîyanê ne û li rêz li pirrengîyê digirin.
Bi vê nêrînê, fikra nûxwaz a pêşewa Bedîuzeman Seîd Nûrsî wek projeyeke gitşgir a çaksazîyê, kar dike ji bo dubare avakirina peywendîyên dîyalektîkî di navbera mirov, gerdûn û afirîner da bi rêya nêrîneke Quranî ku îmanê dike bingeha şaristanîyê, zanînê dike rêya pêşketinê û exlaqî jî dike payeya aştîya civakî.
Li ser binemaya vê rehenda epîstemolojîk, Fakulteya Zanistên Îslamî li Zanîngeha Silêmanîyê bi hevbeşîya Komeleya Nûbiharê ya Dîyarbekirê bi navnîşana jêrîn konferansa heftem a zanistî ya navneteweyî li dar dixe:
Pergala Mirov û Gerdûnê di Hizira Bedîuzeman Seîd Nûrsî da: Rehendên Şaristanîyê ji bo Damezirandina Aştîya Civakî û Bicihkirina Nasnameya Çandî
Ev konferans wek platformeke akademîk a astbilind kar dike ji bo komkirina desteyeke bijartî ya vekoler û bîrmendan ji bo vekolîna rehendên giring ên vê projeya çaksazîyê û ronîkirina rengvedana dîrokî û rastîya vê navçeya pirçand, bi taybetî li Kurdistan û navçeyê, ku hertim jîngeheke zindî bûne ji bo van cure berhemên hizirî û ronakbîrîyê.
Bi rêya vê hevdîtinê em bi kelecan li benda nîşandana rola mezin a kesayetîya Nûrsî ne di avakirina mirovê hişyar û bicihkirina nirxên dadperwerî û pêkve jîyana hevbeş, di gel vekirina asoyên lihevanîna zanistên şer’î û mirovî. Ev jî wek cextkirin e li ser wê yekê ku hizira resen a îslamî roleke zindî û karîger dibîne di çêkirina paşerojeke aramtir û geştir da.
VÎZYONA KONFERANSÊ
Ev konferans hewl dide fikra Bedîuzeman Seîd Nûrsî wek projeyekî şaristanî ya temamker bixwîne, ku şîyana wê ya beşdarîkirinê di avakirina mirovê hişyar ê hevçerx da heye, bi rêya hevsengkirina peywendîya navbera mirov û gerdûn û wergirtina îlhamê ji nirxên ruhî û epîtemîk li hember astengên fikrî û jîngehî û civakî yên niha.
PEYAMA KONFERANSÊ
Amadekirina zemîneke zanistî ya temam ji bo gotûbêj û rexne û şirovekarîyê, bi mebesta dubare anîna hizirên Nûrsî ji bo meydana vekolînên akademîk ên hevçerx, bi awayekî ku di navbera kelepor û nirxên mirovî yên cîhanî da lihevanînê pêk bîne, di heman demê da çareserîyeke realîst pêşkêş bike ji bo bihêzkirina nirxên aştîya civakî û parastina nasname û hestkirina bi berpirsyarî mirovî li hember gerdûn, siruşt û civakê.
ARMANCÊN KONFERANSÊ
- Ronkarina hevtemamkirina her du têgehên mirov û gerdûnê di Rîsaleyên Nûr da û rola dariştina nêrîneke gerdûnî ya tewhîdî ya giştgir.
- Pêşkêşkirina projeyên fikrî yên Nûrsî wek mînakeke şaristanî, ku xwedî amrazên epîstemîk e ji bo derbazkirina qeyranên hebûnî û têkçûna nirxên mirovên hevçerx.
- Destnîşankirina mekanîzmên teorîk û pratîk ên hizirî yên Nûrsî, bi mebesta xurtkirina pêkve jîyana aştîyane û derxistina rola karê baş û erênî di rêgirîya milmilaneyan û dabînkirina îstiqrara civakî da.
- Derxistina karîgerîya projeya şaristanî ya Nûrsî di parastina nasnameya kurdî û çandî, û îmanî da li hember bizavên cîhangîrî, regezperestî û rojavayîbûnê, di gel cextkirina li ser nirxên gotûbêj û vekirîbûna li hember hevbeşîyên mirovî da.
- Amadekirina derfetên nû ji bo vekolînên zanistî di fakulteyên îslamî da bi mebesta girêdana deqên şer’î û realîteya civakî û gerdûnî, bi rêya sûdwergirtina ji azmûna mamosta Bedîuzeman Seîd Nûrsî.
- Ronîkirina rêbaza Nûrsî li ser parastina jîngehê û vegerandina hevsengîya gerdûnî wek beşek ji berpirsyarîya exlaqî û şaristanî ya mirovî.
TEMAYÊN KONFERANSÊ
Temaya yekem: Nêrîna gerdûnî û hebûnî di hizira Nûrsî da
- -Dîyalektîka afîrîner, gerdûn û mirovî di Rîsaleyên Nûr da
- -Paqijkirina derûnî û avakirina kesayetîya mirovê hevseng
- -Gerdûn wek kitêbeke vekirî û karîgerîya wê li ser bicihkirina bawerîyê
- -Cihê mirov di hebûnê da: Ji mezaxtinê ber bi xelîfetî û berpirsyarîyê.
- -Karîgerîya tefekura li gerdûnê li ser zîzkirina derûna mirovî.
Temaya Duyem: Rehendên Şaristanî û Aştîya Civakî di Projeya Nûrsî da
- -Têgeha şaristanî û medenîyetê di Rîsaleyên Nûr da
- -Avakirina mirovê ronakger wek binemayek ji bo hişyarkirina umetê
- -Rêbaza karê erênî û karîgerîya wê di bicihkirina aştîyê di civakên pirçand da
- -Azadkirina hişmendîya musulmanan û hilweşandina gotara postkolonyalîzmê
- -Rexnegirtin li hizira tundajotîyê û bihêzkirina nermajotîyê
- -Etîka gotûbêjê di gel yên din (dînî, mezhebî û çandî)
- -Berevanîkirina pêkhateyên civakî û pêkve jîyana navbera pêkhateyan li Kurdistanê
Temaya Sêyem: Nasnameya Çandî û Îmanî li cem Nûrsî
- -Bingehên nasnameya îmanî di Rîsaleyên Nûr da.
- -Rengvedana nasnameya kurdbûnê di jîyan û hizira Seîdê Berê da
- -Projeya Medreseya Zehrayê: Lihevanîna zanistên modern û dînî wek derîyek ji bo çaksazîya epîstemîk li Kurdistan û navçeyê
- -Rola Rîsaleyên Nûr di parastina ziman, nirx û exlaqê civaka kurdî da
- -Rola Nûrsî di hevsengkirina navbera taybetmendîyên çandî yên kurdî û şaristanî da.
- -Parastina nasnameya îmanî û çandî li hember pêlên rojavayîbûnê û vekirîbûna bêkontrol da
Temaya Çarem: Felsefeya Siruşt û Hişyarîya Jîngeyî di Rîsaleyên Nûr da
- -Nêrîna şer’î û şaristanî ji bo parastina siruşt û rûbirûbûna qeyranên keşûhewayê
- -Teyîsîna navê pîroz ê “el-Qudus” di pergala gerdûnê da û kêşeya pîsbûna jîngehê
- -Rexnegirtina zêderewîyê û dîyardeya mezaxtinê wek derwazeyek ji bo çareserkirina qeyrana jîngeha cîhanî
- -Dîyalektîka peywendîya navbera mirov û jîngehê, ji heza xweferzkirinê heta felsefeya emanet û xelîfetîyê
- -Îlhamwergirtina fikra jîngehî di tefekura Nûrsî da ji bo siruşta çîyayî ya Kurdistanê û girêdana nasnameyê bi cihî ve
Temaya Pêncem: Mafên Mirov û Malbatê di Projeya Nûrsî da
- -Maf û rûmet di Rîsaleyên Nûr da
- -Parastina malbatê di civaka kurdî da bi rêya rênîşanderîya perwerdeyî û exlaqî yên projeya Nûrsî
- -Avakirina nirxan û parêzbendkirina civakî ya jinê ji bo rûbirûbûna rojavayîkirinê
- -Mekanîzmayên rûbirûbûna hilweşandina malbatê û herifîna nirxan di civakê da
- -Jin û malbat wek hêlîna nasnameyê û aştîya civakî di projeya Nûrsî da
- Temaya Şeşem: Xwendina Hevçerx û Asoyên Paşerojê di Çaksazîya Nûrsî da
- -Jîrîya ruhî di rûbirûbûna madegerayîya zêderew û hişê çêkirî da
- -Bikarxistin û karkirina hizira Nûrsî di pergala perwerdehîyê û bernameyên xwendinê da
- -Berawirdkirin û pêdaçûna destnivîsên resen ên Rîsaleyên Nûr
- -Qenaeta yên din ji bo projeya hizirî ya Nûrsî
MERCÊN BEŞDARÎKIRINÊ
- Divê vekolîn di çarçoveya temayên diyarkirî da bin
- Vekoler divê pabendî binemayên vekolînên zanistî bin ji alîyê binyatdanîn, wergirtina serçavîyan û şirovekirinê ve.
- Pêwîst e vekolîn taybetmendîyên resenî, metodnasî û nûgerîyê di mijar û armancê da li xwe bigirin di gel raçavkirina dirustîya ziman û hûrîya şêwaza dariştinê
- Divê vekolîn berê nehatibe weşandin yan belavkirin û di tu konferansekê da berê nehatibe pêşkêşkirin. Herweha nabe vekolîn ji nameyên zanistî yên mastir û doktorayê yan ji kitêbeke weşandî hatibin wergirtin.
- Pêwîst e navnîşana vekolînê, kurteya wê û bêjeyên sereke bi her sê zimanên kurdî, erebî û îngilîzî bên nivîsîn.
- Pêwîst e hejmara rûpelên vekolînê di navbera 20-25 rûpelan da be, tevî jêrenot, çavkanî û jêderan ve.
- Pêwîst e vekolîn bi awayê Microsoft Wordê bê pêşkêşkirin, ji bo zimanê kurdî û erebî bi keybordeke Unicode, bi fonta Noto Naskh Arabic bi puntoya 12ê û ji bo zimanê îngilîzî jî bi fonta Times New Romanê be
- Pêwîst e pergala Harvardê di sîstema referansan da wek serçavî bê bikaranîn.
- Vekolîn ji bo vê navnîşana elektorîk tê şandin: conf.2027@gmail.com
- Vekolîn bi zimanên kurdî, tirkî, erebî, îngilîzî tên wergirtin.
- Vekolînên ku hatine wergirtin di kovareke zanistî ya resen li Zanîngeha Silêmanîyê tên weşandin.
- Beşdarîya konferansê bêberamber e.
LIJNEYA NAVENDÎ
- Doç. Dr. Xalid Ehmed Mistefa: Dekanê Fakultea Zanistên Îslamî (Serok)
- Doç. Dr. Zülküf Ergün: Serokê Beşa Ziman û Edebîyata Kurdî ya Zanîngeha Dîcleyê
- Dr. Osman Aslanoğlu: Serokê Komeleya Nûbiharê
- Dr. Şemal Ebdul Mihemed: Arîkarê Dekan
- Dr. Îsmaîl Mihemed Celal: Serokê Beşa Perwerdeya Dînî
- Doç. Dr. Aras Hemeemîn Usman: Serokê Beşa Şerîetê (Biryarderê Lijneyê)
- Doç. Dr. Zana Mihemed Emîn Seîd: Serokê Beşa Xwendina Îslamî
- Doç. Dr. Aso Reza Ehmed: Serokê Beşa Binemayên Dînî
LIJNEYA ZANISTÎ
- Dr. Bextyar Necmedîn Şemsedîn… Zanîngeha Silêmanîyê (Serok)
- Dr. Serdar Reşîd Heme Salih… Zanîngeha Silêmanîyê (Biryarderê Lijneyê)
- Dr. Mihemed Ebdulla Ehmed… Zanîngeha Silêmanîyê
- Dr. Kameran Ewrehman Mecîd… Zanîngeha Silêmanîyê
- Dr. Husên Mihemed Îbrahîm… Zanîngeha Silêmanîyê
- Dr. Usman Mihemed Seîdalla… Zanîngeha Silêmanîyê
- Dr. Fazil Mehmûd Qadir… Zanîngeha Silêmanîyê
- Dr. Zîya Hebîb Tofîq… Zanîngeha Silêmanîyê
- Dr. Ebdulla Mihemed Kerîm… Zanîngeha Silêmanîyê
- Dr. Îrfan Reşîd Şerîf… Zanîngeha Silêmanîyê
- Dr. Mücahid Bilici… Zanîngeha New Yorkê (Amerîka)
- Dr. Abdurrahman Adak… Zanîngeha Mardîn Artukluyê (Turkîye)
- Dr. Hayrullah Acar… Zanîngeha Mardîn Artukluyê (Turkîye)
- Dr. Mehmet Zahir Ertekin… Zanîngeha Mardîn Artukluyê (Turkîye)
- Dr. Abdulhadi Timurtaş… Zanîngeha Van Yüzüncü Yılê (Turkîye)
- Dr. Hasan Tanrıverdi… Zanîngeha Dîcleyê (Turkîye)
- Dr. Ahmet Erkol… Zanîngeha Mardîn Artukluyê (Turkîye)
- Dr. Mehmet Bilen… Zanîngeha Dîcleyê (Turkîye)
- Dr. Metin Bozan… Zanîngeha Dîcleyê (Turkîye)
- Dr. Mustafa Öncü… Zanîngeha Mersînê (Turkîye)
- Dr. Serdar Şengül… Zanîngeha Kirşehîrê ya Ahî Evranê (Turkîye)
- Dr. Abdurrahim Alkış… Zanîngeha Şirnexê (Turkîye)
- Dr. Nurettin Beltekin… Zanîngeha Mardîn Artukluyê (Turkîye)
- Dr. Taha Nas… Zanîngeha Mardîn Artukluyê (Turkîye)
- Dr. Akif Akto… Zanîngeha Mardîn Artukluyê (Turkîye)
- Dr. Nesim Sönmez… Zanîngeha Van Yüzüncü Yılê (Turkîye)
- Dr. Bayram Kanarya… Zanîngeha Van Yüzüncü Yılê (Turkîye)
- Dr. Husên Ebdulhadî… Vekolerê serbixwe (Şahnişîna Siûdîyeyê)
- Dr. Mehmet Gürses… Zanîngeha Floridayê (Amerîka)
- Dr. Mehmet Asutay… Zanîngeha Durhamê (Îngiltere)
- Dr. Ehmed Ewad… Vekolerê serbixwe (Lubnan)
- Dr. Ebdulrehman Xetîb… Zanîngeha Qeterê (Qeter)
- Dr. Deniz Çiftçi… Zanîngeha Cambridge (Îngiltere)
- Doç. Dr. Umîd Usman Ehmed… Zanîngeha Silêmanîyê
- Doç. Dr. Abid Ehmed Pişderî… Zanîngeha Silêmanîyê
- Doç. Dr. Mihemed Ebdulrehman Mihemed… Zanîngeha Ezherê (Misir)
- Doç. Dr. Ebdulrezaq Ehmed Mihemed… Zanîngeha Ezherê (Misir)
- Celal Celalîzade… Zanîngeha Tehranê (Îran)
- Suheyl Sepan… Zanîngeha Qeterê (Qeter)
- Mamostayê arîkar Xallan Celîl Rustem… Kovara Zanîngeha Silêmanîyê
LIJNEYA AMADEKARÎYÊ
- Doç. Dr. Umêd Mihmed Necme (Serok)
- Doç. Dr. Saman Wehab Emîn (Biryarderê Lijneyê)
- Dr. Nasih Fetah Nesrulla
- Doç. Dr. Sebah Resûl Mehmud
- Doç. Dr. Hawkar Ebdulrehman Seîd
- Doç. Dr. Peyam Cafir Elî
- Ebdulla Qurbanî Kerem
- Mamosta Rêzan Mihemed Elî
- Mamosta Rêbwar Ehmed Salih
- Mamosta Rêbîn EBdulwehab Cemîl
- Mamosta Serhed Ehmed Selîm
- Mamostayê arîkar Mistefa Mihemed Ebdulla
LIJNEYA PEYWENDÎ Û PÊŞWAZÎYÊ
- Dr. Mehmûd Ebdulla Mehmûd (Serok)
- Dr. Mihemed Husên Ebdulla (Biryarderê Lijneyê)
- Dr. Ekrem Bayîz Mihemed
- Doç. Dr. Sebah Setar Seîd
- Serbest Nadir Ebdul
- Sirwe Ebduletîf Mecîd
- Kejal Mihemed Emîn Seîd
LIJNEYA RAGIHANDINÊ
- Dr. Mehdî Qadir Ehmed (Serok)
- Mamosta Aram Elî Mecîd (Biryarderê Lijneyê)
- Sertîb Ezîz Fars
- Celal Cemal Xefar
- M. Karwan Elî Ehmed
- Kardo Mehmûd Hesen
- Dîye Burhan Salih
PEYWENDÎ
Prof. Dr. Bextyar Necmedîn Şemsedîn
(Serokê Lijneya Zanistî)
+9647701924631
Prof. Dr. Serdar Reşîd Heme Salih
(Biryarderê Lijneyê)
+9647866988606